Akumulacionin Kike-Kremenata, me fokus në Fazën 1: Hetimet në Terren dhe Projekti Bazik u diskutua në një punëtori e cila u mbajt në Prishtinë.
Punëtorinë e hapi Ministri i Ambientit Jetësor, Planifikimit Hapësinor dhe Infrastrukturës, Liburn Aliu, i cili tha se Ky investim shumëdimensional ka për qëllim jo vetëm furnizimin e qëndrueshëm me ujë, por edhe menaxhimin më të mirë të burimeve natyrore, mbrojtjen nga vërshimet dhe, potencialisht, shfrytëzimin për hidroenergji.
“Ky investim do të mundësojë ruajtjen dhe menaxhimin më efikas të burimeve ujore, duke ndihmuar në stabilitetin e furnizimit me ujë për banorët dhe ekonominë lokale”, potencoi ministri Aliu.
Gjatë punëtorisë, nga kompania projektuese Studio Pietrangeli u ofrua një prezantim i detajuar mbi dizajnin dhe funksionimin e rezervuarit, duke mbuluar aspektet kryesore si:
🔹 Plani i Situacionit – Organizimi dhe struktura e rezervuarit.
🔹 Destinimi I Akumulacionit Dhe Rregullat E Operimit – Menaxhimi dhe përdorimi i ujit.
🔹 Projekti dhe Stabiliteti i Digës – Sigurimi i qëndrueshmërisë dhe funksionalitetit afatgjatë.
🔹 Projekti I Shkarkuesit dhe ai i Kaptimit – Planifikimi i rrjedhës dhe shpërndarjes së ujit.
🔹 Projekti i Shkarkuesit Fundor dhe Instrumentimi – Kontrolli i shkarkimit të ujit dhe monitorimi i sistemit.
🔹 Paramasa Preliminare Dhe Vlerësimi I Kostos– Analiza financiare dhe planifikimi i burimeve.
🔹 Plani Dinamik I Ndërtimit– Hapat dhe afatet kryesore të projektit.
🔹 Raporti Gjeoteknik dhe Plani i Hetimit Për Fazën 2 – Vlerësimi i kushteve të terrenit dhe studimet e ardhshme.
Punëtoria përfundoi me një diskutim interaktiv, ku pjesëmarrësit ndanë pyetje dhe komente të vlefshme. Ky shkëmbim konstruktiv ndihmon në përmirësimin e qasjes ndaj projektit, duke siguruar një sistem rezervuari efikas dhe të qëndrueshëm.
Ky projekt shënon një hap të rëndësishëm në përmirësimin e menaxhimit të burimeve ujore të Kosovës.