WSGP – Flows

OJQ Polisi – Përmirësimi i menaxhimit të ujit në institucionet arsimore në Viti

flows — Fri, 10 Apr 2026 11:12:36 +0000

Në kuadër të programit të granteve të vogla të projektit FLOWS, OJQ POLIS ka zbatuar një iniciativë që synon përmirësimin e infrastrukturës së ujit dhe menaxhimin e qëndrueshëm të resurseve ujore në institucionet arsimore në komunën e Vitisë.

Qëllimi kryesor i projektit është ulja e keqmenaxhimit të ujit të pijshëm në shkolla dhe çerdhe, duke promovuar përdorimin racional dhe kursimin e tij përmes zgjidhjeve praktike dhe teknologjive të qëndrueshme.

Përmes këtij investimi, i financuar nga Banka Botërore në kuadër të FLOWS, synohet rritja e cilësisë dhe sigurisë së ujit të pijshëm në ambientet ku zbatohet projekti.

Aktivitetet konkrete përfshijnë instalimin e rubinetave automatike me sensor për menaxhim më efikas të ujit, si dhe vendosjen e tualeteve bashkëkohore në secilën shkollë, të pajisura me sisteme për përdorim racional të ujit.

Ky projekt kontribuon në mbrojtjen e mjedisit përmes reduktimit të konsumit të ujit dhe uljes së presionit mbi burimet ujore, duke ndikuar njëkohësisht në krijimin e një kulture të qëndrueshme të përdorimit të ujit në komunitet.

Perspektiva – Menaxhimi i qëndrueshëm i burimeve ujore në Velegllavë të Epërme, Kamenicë

flows — Tue, 07 Apr 2026 12:41:06 +0000

Në kuadër të programit të granteve të vogla të FLOWS, është mbështetur iniciativa “Perspektiva”, e cila synon menaxhimin e qëndrueshëm të resurseve natyrore të ujit në përputhje me nevojat sezonale. Projekti zbatohet në fshatin Velegllavë e Epërme në Kamenicë dhe ka vlerë prej 26,730 €.

Objektivat kryesore të projektit përfshijnë ndërtimin e infrastrukturës për magazinimin dhe akumulimin e ujit në periudhat me tepricë, si dhe rritjen e ndërgjegjësimit të komunitetit për përdorimin e qëndrueshëm të ujit.

Aktivitetet e realizuara përfshijnë ndërtimin e një rezervuari me dimensione 10x10x3 metra, krijimin e një ujëmbledhësi për burimet natyrore, hapjen e një pusi dhe instalimin e pajisjeve për furnizim me ujë.

Rezultatet e pritshme lidhen me rritjen e efikasitetit në përdorimin e ujit, mbrojtjen e mjedisit dhe ekosistemit, forcimin e ndërgjegjësimit të komunitetit dhe përmirësimin e sigurisë ushqimore. Gjithashtu, projekti pritet të ndikojë në uljen e efekteve të kushteve ekstreme si thatësirat dhe përmbytjet, duke rritur qëndrueshmërinë e komunitetit lokal.

Driada Limoni B.I– Një tjetër histori suksesi nga #FLOWS | #WSGP

flows — Fri, 03 Apr 2026 12:56:55 +0000

Në kuadër të granteve të vogla të projektit FLOWS, është mbështetur iniciativa për investime në asete të nevojshme për ruajtjen dhe menaxhimin e qëndrueshëm të ujit në një pemishte ekzistuese prej 4 hektarësh. Vlera e investimit arrin në 13,815 €, duke synuar përmirësimin e sigurisë së furnizimit me ujë dhe rritjen e efikasitetit në përdorimin e tij.

Objektivat kryesore përfshijnë rritjen e disponueshmërisë së ujit për nevojat aktuale dhe të ardhshme, optimizimin e përdorimit përmes zgjidhjeve më të avancuara, si dhe reduktimin e humbjeve nga rrjedhjet, avullimi apo ndotja.

Aktivitetet e realizuara përfshijnë instalimin e rezervuarëve të ujit me kapacitete të ndryshme, hapjen e një pusi me thellësi 130 metra, vendosjen e pompave për furnizim dhe shtytje të ujit, si dhe angazhimin e stafit teknik dhe fuqisë punëtore shtesë.

Rezultatet e pritshme lidhen me sigurimin e furnizimit të qëndrueshëm me ujë, përdorimin më racional të burimeve natyrore dhe përmirësimin e produktivitetit të pemishtes, duke kontribuar njëkohësisht në qëndrueshmëri mjedisore dhe zhvillim ekonomik lokal.

PLANNING GREEN – Një tjetër histori suksesi nga #FLOWS | #WSGP

flows — Mon, 30 Mar 2026 10:00:28 +0000

Si pjesë e mbështetjes për organizatat e shoqërisë civile, projekti FLOWS ka financuar iniciativa që promovojnë menaxhimin e qëndrueshëm të burimeve ujore dhe rritjen e vetëdijes publike. Një shembull i rëndësishëm është puna e OJQ-së PLANNING GREEN, e cila ka zbatuar një qasje të integruar në komunat Gjilan, Viti dhe Kamenicë.

Përmes ligjëratave edukative në shkolla, vizitave studimore në impiantet e trajtimit të ujit dhe fushatave ndërgjegjësuese, projekti ka kontribuar drejtpërdrejt në edukimin e të rinjve dhe komuniteteve lokale. Aktivitetet kanë përfshirë gjithashtu pastrimin e zonave përgjatë lumit Krivareka, si dhe instalimin e kamerave për monitorim të vazhdueshëm në zonën urbane të Kamenicës.

Kjo iniciativë ka forcuar bashkëpunimin ndërmjet institucioneve dhe publikut, duke kontribuar në reduktimin e ndotjes dhe përmirësimin e qëndrueshmërisë mjedisore.

Malsia Foods LLC – Histori suksesi nga Programi i Granteve për Mbrojtjen e Ujrave (WSGP)

flows — Mon, 22 Dec 2025 13:48:03 +0000

MALSIA FOODS L.L.C. ka synuar ta arrijë fuqizimin e komunitetit të fshatit Vriqec përmes përmes zgjidhjeve të integruara për menaxhimin e qëndrueshëm të ujit në bujqësi dhe po zbaton një projekt të integruar, me qëllim forcimin e menaxhimit të qëndrueshëm të ujit në bujqësi dhe fuqizimin e komunitetit lokal të fermerëve përmes zgjidhjeve praktike, efikase dhe miqësore me mjedisin.

Ky projekt, i cili u mundësua përmes një granti nga FLOWS, po kontribuon drejtpërdrejt në përmirësimin e kushteve për prodhim bujqësor, mbrojtjen e resurseve natyrore dhe rritjen e qëndrueshmërisë ekonomike të komunitetit lokal.

Objektivat e Projektit

1. Zhvillimi i Infrastrukturës

Përmirësimi i infrastrukturës ujore në fshatin Vriqec, përfshirë ndërtimin e objekteve për depozitimin e ujit, me synim rritjen e disponueshmërisë së ujit për bujqësi gjatë periudhave të thata.

2. Masa Agro-Mjedisore

Zbatimi i masave agro-mjedisore që synojnë reduktimin e erozionit të tokës, përmirësimin e shëndetit të tokës dhe parandalimin e rrjedhjeve bujqësore, duke kontribuar në mbrojtjen e cilësisë së ujit në trupat ujorë përreth.

3. Angazhimi i Komunitetit

Përfshirja aktive e fermerëve lokalë dhe rritja e ndërgjegjësimit mbi rëndësinë e menaxhimit të qëndrueshëm të ujit në bujqësi, përmes bashkëpunimit dhe zbatimit të praktikave të mira në terren.

Aktivitetet Kryesore

Ndërtimi i një rezervuari për depozitimin e ujit me dimensione 8m x 4m x 1.56m dhe kapacitet total 50 m³, përfshirë infrastrukturën mbështetëse dhe lidhjen me sistemin kryesor të furnizimit me ujë.

Blerja dhe instalimi i një mikseri për plehun organik (pleh lope) për depozitën ekzistuese, me qëllim parandalimin e rrjedhjeve bujqësore dhe mbrojtjen e mjedisit.

Mbjellja e 150 pemëve frutore për reduktimin e erozionit të tokës, veçanërisht në zona me pjerrtësi.

Ndërtimi i një stacioni për ujë të pijshëm për bagëtitë, në shërbim të fermerëve që ushqejnë gjedhët në kullota të lira në një sipërfaqe prej rreth 100 hektarësh.

Punësimi i dy (2) punëtorëve të rinj, duke kontribuar në zhvillimin ekonomik lokal dhe forcimin e kapaciteteve në komunitet.

Rezultatet e Pritshme

Rritje e disponueshmërisë së ujit për fermat, kulturat ekzistuese dhe pemët e reja gjatë stinëve të thata.

Reduktim i ndotjes dhe rrjedhjeve bujqësore nga plehu i bagëtive, duke përmirësuar cilësinë e ujit dhe duke mbrojtur mjedisin.

Ulje e erozionit të tokës përmes mbjelljes së pemëve dhe stabilizimit të terrenit.

Përmirësim i shëndetit dhe rritje e produktivitetit të bagëtive falë qasjes së rregullt në ujë të pijshëm.

Rritje e kënaqësisë së komunitetit dhe ndikim pozitiv ekonomik në nivel lokal.

Përmes këtij projekti, MALSIA FOODS L.L.C. po kontribuon në zhvillimin e bujqësisë së qëndrueshme, mbrojtjen e mjedisit dhe forcimin e qëndrueshmërisë afatgjatë të komunitetit në Fshatin Vriqec, në përputhje me objektivat e programit FLOWS.

Bio Nuts A – Histori suksesi nga Programi i Granteve për Mbrojtjen e Ujrave (WSGP)

flows — Mon, 15 Dec 2025 15:53:18 +0000

Në kuadër të Programit të Granteve për Mbrojtjen e Ujrave (WSGP), i zbatuar nga FLOWS, po prezantojmë një tjetër histori suksesi që dëshmon ndikimin konkret të granteve të vogla në menaxhimin e qëndrueshëm të ujit dhe zhvillimin e bujqësisë moderne në Kosovë.

Bio Nuts A është një kompani e përkushtuar në prodhimin e arrave cilësore dhe aplikimin e praktikave bashkëkohore në bujqësi. Përmes mbështetjes së grantit nga WSGP, kompania ka realizuar investime të rëndësishme që synojnë sigurimin e një furnizimi të qëndrueshëm me ujë për pemishten dhe rritjen e efikasitetit të ujitjes.

Investimet kryesore përfshijnë ndërtimin dhe zgjerimin e një rezervuari për mbledhjen e ujit, të veshur me geomembranë të posaçme, i cili grumbullon reshje, borë dhe ujë nga puset. Ky sistem siguron furnizim të qëndrueshëm dhe të përhershëm me ujë për pemishten, edhe gjatë periudhave me thatësirë.

Teknologji inovative për ujitje efikase

Në kuadër të projektit, Bio Nuts A ka instaluar sensorë inteligjentë të lagështisë dhe një sistem automatik të ujitjes, që mundëson shpërndarjen e ujit në mënyrë të mençur, të barabartë dhe efikase për çdo pemë. Këto zgjidhje teknologjike kontribuojnë në racionalizimin e përdorimit të ujit dhe në mbrojtjen e resurseve ujore.

Zbatimi i praktikave të qëndrueshme të menaxhimit të ujit ka ndikuar drejtpërdrejt në reduktimin e efekteve të thatësisë dhe në rritjen e rezistencës së pemishtes ndaj ndryshimeve klimatike.

Falë këtyre investimeve, pritet që rendimenti i pemishtes të rritet me 20–30%, duke forcuar njëkohësisht kapacitetet për eksport dhe orientimin drejt prodhimit BIO. Kjo rritje kontribuon jo vetëm në qëndrueshmërinë ekonomike të biznesit, por edhe në zhvillimin e sektorit bujqësor në nivel lokal dhe kombëtar.

Projekti ka gjithashtu një dimension social, përmes organizimit të një seminari me komunitetin dhe fermerët lokalë. Gjatë këtij aktiviteti ndahen praktikat më të mira për menaxhimin e ujit, mbrojtjen e mjedisit dhe përdorimin e teknologjive moderne në bujqësi.

Një hap drejt bujqësisë së gjelbër në Kosovë

Kjo histori suksesi ilustron qartë se si investimet e zgjuara në ujitje dhe teknologji inovative, të mbështetura nga Water Stewardship Grant Program, përbëjnë një hap konkret drejt ndërtimit të një bujqësie më të gjelbër, më efikase dhe më konkurruese në Kosovë.

Ardian Ramadani B.I, histori suksesi nga Programi i Granteve për Mbrojtjen e Ujrave (WSGP)

flows — Mon, 08 Dec 2025 10:13:03 +0000

Një nga përfituesit e programit është Biznesi Individual Ardian Ramadani nga komuna e Kamenicës. Përmes grantit të siguruar nga FLOWS, ai ka realizuar një sërë investimesh që kontribuojnë drejtpërdrejt në përmirësimin e praktikave të ujitjes dhe qëndrueshmërisë në bujqësi.

Investimet kryesore të realizuara:

Shfrytëzimi dhe racionalizimi i ujit përmes sistemit të drenazhimit dhe rikthimit të tij për ujitje.
Rregullimi i furnizimit të përhershëm me ujë në pemishte, duke siguruar akses të qëndrueshëm në kohë të thatësisë.
Hapja e puseve dhe krijimi i rezervuarëve, një hap i rëndësishëm në reduktimin e ndikimit të thatësisë dhe sigurimin e burimeve të qëndrueshme të ujit.
Zbatimi i praktikave të qëndrueshme bujqësore, të cilat kontribuojnë në rritjen e prodhimtarisë dhe mbrojtjen e resurseve ujore.

Ndikimi në komunitet

Projekti i Ardian Ramadanit është vetëm një nga shumë historitë e suksesit që demonstrojnë efektin pozitiv të programeve të mbështetura nga FLOWS.
Këto iniciativa po ndihmojnë komunitetet lokale të adoptojnë qasje më të zgjuara dhe më të qëndrueshme në menaxhimin e ujit, duke nxitur inovacion, efikasitet dhe qëndrueshmëri afatgjatë.

Ardian Ramadani Video